Es isch wider Alpzit!
Au de Sommer züchts mii wider id Berge. Somit stelli mini Kamera wider för ee Ziitli, vo afangs Juni bis ende September, ine Eggli ond widme mii wider voll ond ganz am Älplere.
Afroge för noch de Alpziit nemi gern per Wathsapp Nochricht oder Telefonisch entgege.
0764186678
Ii geb mis besti dini Nochricht möglich schnell wohr z`nee ond der ee usfüherlichi Antwort zgee.
Herzliche Dank!
Plansch du euen grosse Tag? Hesch du ganz ee bsondrigi Fründschaft wo gern moll fotografisch wötsch feschthalte?
Hender grad ee chlises Wonder ii eure Famili dörfe Willkomme hässe?
Oder wünschisch du der Föteli mit dim Lieblingsmensch?
Sehr gern halti eurii Herzensmoment, mit minere Kamera fescht!
För mi häst liebi, lebe....
Als im lebe dröllt sich omm dLiebi. Jedi Entscheidig ond jedi Handlig. Also het jede sini ääge Liebesgschicht. Jedi devo isch ganz individuell ond änzigartig.
Ond ganz bestimmt het au jedi sini höhene ond tüüfene erlebt.
Jedi het dii erschti Begegnige, erschti Küss, ohstimmigkeite ond en huffe Moment wo enem sHerz höcher schloo lönd.
Wemmer da alls zemme mit näbertem cha täle hässt för mii liebi, lebe.
