Antworte of hüffig gstellti Froge...

Wo fönded Shooting statt?

Meistens bini ii de Region Schwägalp onderwegs, ii ha dei mini 3-4 Plätzli wo mini paar Kriterie erfülled zom stimmigi Bilder ii mim Style z‘mache.
Natürlich chomi aber au gern zo eu wen er ee schös Plätzli wössed!

Wie lang goot ee Shooting ond wie viel Bilder erhaltet mer?

Ee Shooting, nemmer ez aa mitemne Päärli goot amel ca. 1h. Mitere Famili chas aber scho au moll 1.5h goo.
Schlussendlich erhaltid er efach alli glungne Bilder bearbeitet öber ee Onlinegalerie. Er dörfed ca. mit 150 Föteli rechne.

Wa söllemer aalege?

Er dörfed da aalegge wo er eu wohl fühled dren, zom Biespiel eurii Lieblingshose oder s‘lieblings Kleidli.
Mer gfallts amel uu guet wener eu farblich of enand abstimmed.
Am beschte macheder ca. vier Farbe ab z.b blau, wiis, grau ond bruu oder villicht rot, grau, bruu ond wiis.
Mer persöndlich gfalled natürlichi Farbtön. Ufdrockti Motiv ond Schrefte lenked vo euem schöne lächle ab ond passed nüd is Bild.
PS: Ii lese amel ender chlii nasses Gebiet zom fötele us, drom getz s‘eint oder s‘andermoll dreckigi oder nassi Schueh. Ee zweits paar Schueh isch sicher nüd verchert.

Dörfed mer verschideni Outfits mitbring?

Er dörfed sehr gern diversi Outfits mitbringe ond wechsle.
Selbstverständlich chönder au persöndlichi Accessoires mitnee ond euri ägne Idee iibringe.

Wa isch bi schlechtem Wetter?

Solangs nüd fescht regnet oder neblig isch chömmer Shooting dörefüehre. Es isch nüd schlechter, im Gegetäl, indirekti Sonneistrahlig verhelft zonere ganz speziell stimmige Atmosphäre of de Fotene.

Werded mini Fotene veröffentlicht?

Veröffentliche töni Bilder immer no den, wen ii eues Iiveständniss ha. Natürlich bruchi gern ab ond zue wider ee paar Fotene för Werbezweck. Somit chani mine Chonde zääge of weli Art ond Wiis ii ene sini Moment wör feschthalte.